ما زعلت الا بعد ماتماديت بخطاك ..

عذري معاي ان قلت روح ما ابيك
ماعاد لي قلب يهلي بطرياك
ياللي بحياتي (كنت) مدري شأسميك
(كنت) الحياة بكبرها كل ما ألقاك
(كنت) المسا لاناموا الناس اسريك
(كنت) الامل بعيون منهو تمناك
واليوم لا والله ما ابيك ما ابيك
لا ابي اترجاني ولا انا اترجاك
جمعت باقي ذكرياتك وابرميك
للوقت يمكن مع الوقت انساك
0000000

اللي تحبه يارفيقي وتغليه ..
لو غاب عنك من تحط بمكانه
لو كل واحد نسى جرح غاليه ..
ماكان به غالي تذكر زمانه
خله عشان الوقت لابد يربيه ..
عشان يعرف قيمتك مو عشانه
الكون واسع لاتجاري خطاويه ..
يلقي بدالك وانت تلقى مكانه
0000000000

الا بخطي ثم بخطي وبخطي ..
انا بشر ماني عن الذنب معصوم
ماهو صحيح اخذ معك دوم واعطي ..
واليا حصل شي بيننا صارت علوم
واااجد عيوبك لكن استر واغطي ..
اخاف لانخسر بعضنا على يوم
00000000

ما قلتلك هالوقت قاسي ودوار ..
تشين لو زانت ليالي دهرها
هذا انت غبت وفرقت بيننا الاقدار ..
جت منك والاحلام كلن خسرها
انت السبب يامرخص كل ماصار ..
احساسك الميت هو اللي دمرها
0000000

متى ماجتلك على الكيف اتصلت !!
ومتى ماودك كذا ماتتصل !!
ومتى ماطقت براسك زعلت !!
حتى لو مابه داعي للزعل !!
واثر يوم انك تتعمد ما سألت !!
اثر لك احباب عن حبي بدل !!
00000000

قالت بمشي،،قلت عفوا على وين ؟!
قالت بقفي،،قلت مرواح جدي
وش صار يعني لابغيتي تقفين ؟!
بموت يعني لانويتي بصدي ؟!؟
(( "انا" قوي الباس ماني بمسكين !!
واموت في شي اسمه "تحدي" ))
((انا)) العزيز ولاهمني لو تجفين !!
بترجع "ذليل" وتحب راسي ويدي
000000000

ماعاد ينفع لو تعذرت ورجعت ..
فات الاوان وقل قدرك وشانك
وشلون اسامح وانت في الود قصرت ..
وبعت الرفيق اللي وفالك وصانك
والحين جاي تقول نادم وفكرت ..
خل المحبه وانت خلك مكانك
00000000000

راح الزمان اللي من اول تبيني ..
يومك على الشده واللين وياي
والحين عقب الظروف اللي فيني ..
ومن عقب ما حبك بشراييني ودماي
لاحاجتن منك ابيها تجيني ..
ولا شي شين(ن) بذكره عقب مسراي
000000000

منك نتعلم لعبت الصد ونصد ..
مادام قلبك والليالي علينا
منك نتعلم كيف مانحفظ الود ..
(( وتشوف منا ماتسويه فينا ))
والحين لازم تاخذ المسأله جد ..
علمتنا نقسى وشفنا قسينا
00000000

ابشرك ماعاد يوجعني فراق ..
واقسى وجع فيني يزول بثواني
عودت قلبي اذا حمل هم او ضاق ..
ارمي وما اسأل عن اللي رماني
عودت نفسي للمتاهات ما انساق ..
ولا اسيل دمع عيني و اعاني
خل الحياة تروح للعمر وارزاق ..
يمكن مع الايام يضحك زماني
000000000

لاعاد تسأل عن مصيري وتشتاق ..
فكر بنفسك لايهمك ضياعي
يمكن نعاتب بعضنا يوم الفراق ..
لكن عتاب ما وراه انتفاعي
مايستمر حب الرسايل والاوراق ..
صعب يجي بعد الفراق اجتماعي
000000000

كان الشعور اللي بقلبي شعورك ..
وضح وعطني لي دليل وبرهان
احترت في بعدك ووجودك ..
ودي اعرف الشوق لا صرت ولهان
ماني بندمان ليا قلت ناسيك ..
ولا قد ندمت الا على حاجه وحيده
اندم على قصايد لاقلتها فيك ..
وانت فلا تسوى في قصيده
0000000

لاعاد ترجاني ولاني براجيك ..
والكل منا جعل دربه سلامه
لاعاد اسولف بك ولاجيب طاريك ..
وانشهد ان بعض المعرفه ندامه
قلبي من اول يودك ويغليك ..
وعن خلق الله ترفعت هامه
واليوم عذال الهوى شرعوا فيك ..
حطوا على عينك سواد الغمامه
لا تحسبي في قصيدي انا اجيك ..
عن حبنا اللي راح واقفى غرامه
حبك تحطم وانتهى بين اياديك ..
قصر الغرام اللي بنيته هدامه
0000000

إهي مره وكم مره عليه تكثر الغلطات ..
اطوف زلتك دايم ومن شانك امشيها
اكرر رقمك الجوال لاهي مره ولامرات ..
يجاوبني على المغلق او الخارج مغطيها
تجيني مجمع اعذارك اصدقها وهي كذبات ..

وأصبر نفسي بنفسي اكحلها وتعميها
0000000


************************************************** ****************



أنت عندي مثل الورقة الفاضية
ما لها معنى و بلا عنوان ضايعة
:::::::::::::::::::::::::::::::::::::
أنا أكره أشوفك
أو أسمع صوتك
أو يجيني منك مسج
::::::::::::::::::::::::::::::
أنا ما أبي أشوفك اليوم
و لا بكرة
و لا عمري كله دوم
::::::::::::::::::::::::::::::
أنت صاير مثل الغربال
كل ما أمليك خصال تنهال
::::::::::::::::::::::::::::::::::::
أنا أكرهك كره ما يوصفه إنسان
و أكره كل شيء تجيبه و منك طفشان
:::::::::::::::::::::::::::::::::::::::::::
أنا ما أبي أسمع منك كلمة
و لا حتى همسة
و ما أبي تسوي لي زحمة
:::::::::::::::::::::::::::::::::
لو تفرش لي الأرض ورود
و تقول لي أحلى وعود
ما أرجع ولو تعود
::::::::::::::::::::::::::::::
اليوم تزعلني
و بكرة تقول سامحني
لا تحلم و لو تجبرني
:::::::::::::::::::::::::::
أنا ما بقول سامحتك
و لو تحاول ما بساعدك
بقول روح و الله يسامحك
::::::::::::::::::::::::::::::
إنت أدمعت العين
و سببت الجرح للقلب
ما أبيك و لوتقول حرمت
::::::::::::::::::::::::::::::
إنت
مثل
السكين
بوريدي
لو
بخليها
بموت
و لو
أنزعها
بموت
::::::::::::::::::::::::::::::::::::
أنا منك زعلان
و من كلامك طفشان
و من عمايلك غضبان
::::::::::::::::::::::::::::::::
أنا لو خيروني
بين الموت و بينك
لأختار الموت
لأنه
عنك يبعدني


***************************

العنوان: رسائل عن الخصام
الوصف:
أضيفت بتاريخ: 8 سبتمبر 2009
تقيم!:

رسائل حزينه جدا

رسائل ومسجات الفراق المصريه

مسجات فراق ووداع ورحيل

رسائل من عيون بكت فراق

احلى مسجات حزينه