مسجات

 كنت أشوفك "شخص عادي" زي باقي الناس حالك ...
وكنت أجاوب : ((ماشي حالي)) يوم تسال كيف حالك؟!
لين ما شفت اهتمامك وارتباكك في كلامك ...
وقتها حسيت عيني دوم تشتاق لوصالك ...
بعد ما شفت الحقيقه في عيونك يا عيوني ...
صار إحساسي وغرامي في غيابك يسألوني..
ليه نشتاق فغيابه وليه نرتاح لعذابه؟!
واكتشفت إني "احبــــك "دون مدري يا جنوني




ليه راجـــــــــــــــع ودك انه نعيد أيام الهنا
طيب اذكر لي سبب واحد يقول انه انته لي
غبت عني باختيارك مــــــــــات بيدك حبنا
والا يعني جاي تقنعني انك انته اشتقت لي
روح يابن الناس في حالك وأنا ببقى هنا
ودي أحيا باقي عمري ويا نفسي مختلي
لا حبايب لا شجون ولا محبة ولا ضنا
"يكفي اللي صار فيني" مابي ارجع وابتلي


"بعتنـــــي" وغيري شريت..ومن بعد طيبك قسيت
مو ثقة بس لو تدور..>>مثلي<< عمرك ما لقيت
وان بغيت أبسط دليل..انه مالي أي مثيل
شوفني رغم ابتعادك..عمري لحضة “ما نسيت”




تحملـــت اللي يقولونه
وقلت : "لخاطر عـــــيونه"

ولا قدر ابد طيبــــــي
تفنن هو بتعذيبــــــي

صحيح الدنيا "خــــــوانه"
ولا فيها ابد أي خير..

بعد ما كان هو بيدي
أشوفه صار "بيد الغـــــير"


كثر ما أعـــطيها من وقتي أحـــــس
هــــــي "مــــــن وقتي تســـــــــرق"
تبي أكــثر وهي تستاهل التقديــــــر
واذا غابت عن عيوني أحس إني بديت أعرق
واذا غاب أي حد ثاني بصـــــراحه
أقول ((وخير يا طيــــــــــــــر))..




تشـك فينـي وأنـا اللـي حالـف بدنيـاي مـا أخـونـك
غريـبـه حـالـة الدنـيـا غـريـبـة لـعـبـة الإحـســاس

كثر ما تصون لهـم عهـدك كثـر مـا هـم يخونونـك
أنـا يالغاليـه شـارب مـن إحساسـك وعطفـك كـاس

أنــا أذكــرك دايــم يـــوم كـــل الـنــاس ينـسـونـك
أنـا كلـي محبـه مـن طـرف رجلـي الـيـن الــراس





أحسك تلعب بقلبي لعب شرطي وحراميه
أنا استسلمت ما بلعب كفاية لا تلاعبني
أقولك: هالسما زرقا.. تقولي: لا سماويه
أقول: انزين سماويه.. تقول: لا تغلطني
تقولي :الوردة ذي أي لون؟ أقولك :هاذي ورديه
ترد إتقول حمرا عسى الله بس يصبرني
إذا ناوي تعقدني وتلعب يا الغلا فـــــي
تراني معقد وخلاص مو ناقص تعقدني..




إتصدق يا أعز الناس أنا إيـــــدي
وهي يدي إذا لمست طرف شعرك
أبد ما ودها تتركني..
إذا موج الشعر جاها يسبح فيه وببحر فيه
لين أحس بيديني وكنه الماي بللني ..
وإذا نزلت يدي أكثر على خدك أحس إني نسيت الدنيا
والعالم أحسك إنت (( تحكمــــــــني))





صحيح الجرأه تنقصني وصحيح ضعيف شخصيه
ولكن أبي منك شويه بس تدفعني بعدها
لا إتسوي شي وأترك كل شي لـــــــــي
ولكن لو بس مره "بحبك" إنت حســـــسني




قوليله هذاك أول قوليله ما عدت أبالـــــي
قوليله إني من اليوم ما أودي حتى أشوفه
قوليله هو من البداية ما كان فقلبي غالي
أتمنى تعمى عيوني ولا إني ألمح طيوفه
كل شي وترى له نهايه ما أبيه يطلب وصالي
ما أبيه يسأل علي ما أبيه يشكي ظروفه
قوليله خل ينفعونه دام اعتبرهم أهالي
((الله معــــــــــــاه ومعاهم))..



قوليله ينسى ويبعد وماله مالــــي
خلاص هذا قراري ولا أبغي اسمع حلوفه
قوليله الأيام تمشي ومن فوق في رب عالي
وكل اللي سواه لازم يجي له يوم ويشوفه




أنا كلي ثقة عميا ومن زود الثقة أغــــــــــــــــــتر
أنا الأفضل على الساحة ولا في حد يعارضــــني
وعلى فكرة بقولج شي أنا مثقف ومتحضــــــــــر
وأرمس إنجليزي توب وفرنسي شــــــــــــوي ها
أنا اتخيلت كل هذا وشفت أشياء بعد أكثــــــــــر
بعد ما قد عرفت إنه فؤادج موت عاشقـــــــــني
وشفت الدنيا كلها ورد أصفر أزرق وأحمــــــر
ولا في حد في الدنيا أكثر منج ذوّبـــــــــــــــني
أنا اتخيلت أنا الأفضل أنا الأخطر أنا الأشـــطر
لأني كبير في عينج وهذا الشي فرّحــــــــــــني



أحبه يا ملا واغليه واعزّه دون شك وخــــــــــوف

واذا اني في يوم صرت ميت قسم بالله ميـــــت فيه

أحس الكل متلهّف وأشوف الكل غدا ملهـــــــــوف

يبي يعرف حبيبي من وكيف شكله وليش أغـــــليه

بأعلى صوت بقول اسمه وحبّه ساكنٍ باليـــــــوف

أنا يا ناس مو مغرم أنا مجـــــــــــــــنون UAE



من يظن انه يعرفك ما يعرفك يجهلــــــــــك؟!

ما تحب انت الا نفسك خنت من حبك وصــــان
أمس انا قلبك شريته هاك اخذه بعته لــــــــــــك
بنسى كل ما صار وبرحل وببتعد عنك عشـــان
قلبي الغالي ترى يسواك ويسوى كل هـــــــــلك
وفي النهاية فزت انا وانت خسرت كل اللي كان
قلتها لك في البداية ورح أعيدها كش مـــــــــلك




انا غلطان يوم اني اشوف الدنيا كلــــــــــــــــها ورد
انا اغرتني الوردة شكلها حيل جذابـــــــــــــــــــــــة
نسيت الشوك في الوردة كثير وصعب ما ينعــــــــــد
جرحني الشوك وانا قصدي ابا اهدي الورد لاصحابه
انا اتعودت ع الصدمة وقلبي صار متعــــــــــــــــود
وحتى اللي قرت كفي طلعت وحدة كذابـــــــــــــــــة
انا قررت ما ابكي على الفرقة وخيانة عهــــــــــــــد
مدام الذيب صار خايف يكش عن عينه ذبابـــــــــــة



أقرب من عروقـــــــــــــي مع إنك بعيد
وأقرب من إحساسي وفي وسط الحنايا

وأقرب من الآهات ومــــــــن كل تنهيد
وأقرب لعيني من عيــــــــــــون المرايا

إسمع حبيبي بعدنا والله مـــــــــــا يفيد
يا كيف ترضى لنفسك ولــــــــي شقايه

أرجوك إرجــــــع نبتدي بحب من جديد



لا إنته ما توقعتك تخـــــــــــــــــــون
ليت كل الناس خانـــــــــــــوني معاك
كنت أظن إنك وفي مخلص حنــــــون
ما حسبت حساب غـــــــدرك أو جفاك
كنت وحدك ساكن بوســـــــط العيون
لا وربي مـــــــــــا سكن عيني سواك
كنت أبادلك المحبه والشجــــــــــــون
وقلبي بيدينه مفاتيحه عطــــــــــــاك
كنت في دنياي أجمل ما يكـــــــــــون
كنت دايم أرتجي وأطلب رضـــــــــاك
ليش كل هذا التجــــــــــــافي يا فتون
بعت من حبك وبعيــــــــــــونه شراك






خلاص استح عل ويهك ترى الموضوع ما يسوى
انا حاولت بس ما ادري شسوي لك عشان ارضيك
تبي تزعل بدون اسباب تي تخاصمني بالقوه
بتلقاني معك وياك يمك اقرب من ايديك
كفايه لا تمصخها ترى الموضوع ما يسوى
بترضى يعني بترضى ولا بقول انا طز فيك
تخيل طعمك انت صار على شفاتي مثل قهوه
امر من المراره بس محال في يوم انا اخليك




لا تتفلسف بكلماتك ترى مالك ابد اي داع
ترى سهله اقول لك قم اطلع لو سمحت بره

ولكنا تربينا وفينا المستحى ما طاع
تعلمنا مع الايام نعطي كل أحد قدره

بقول لك بس شي واحد ترى قالوه بالاجماع
ومن قاله ترى قاله قناعه وتجربه وخبره

ترى من يوصل القمة يحسده من سكن بالقاع
وهالشي من قبل معروف..يعني بس على فكرة




سألته قلتله بسألك من اللي عايش بكونــــــــك؟

من اللي تحبه ويحبك؟ من اللي تسهره ليلــــه؟

بغيته يقوللي إنته بغيته يقول "مجنونـــــــــــــك"

ولكن قاللي ماحد على نياته يحليلـــــــــــــــــه